Гюлер "Реал"ни ҳайратда қолдирди

"Реал Мадрид"нинг ҳужумкор ярим ҳимоячиси Арда Гюлер ўз клубини ҳайратда қолдирди.

19 ёшли футболчи жароҳати билан боғлиқ муаммолар туфайли Испанияда дебют мавсумини унчалик муваффақиятли ўтказа олмади, аммо янги мавсумда, афтидан, у ўзини янгича кўринишда намоён этишга тайёр. Журналист Хорхе Пикон таъкидлаганидек, "Реал Мадрид" турк вундеркиндининг ўйин қобилиятидан ҳайратда қолган ва таътилдан қайтгач, унинг жисмоний формасига ҳам қойил қолган.

Арда Гюлер "Қироллик клуби" томонидан ўтган ёзда "Фенербахче"дан сотиб олинган эди. Футболчи сўнгги мавсумдаги барча турнирларда "Лос-Бланкос" учун 12 ўйинда 6 та гол урган.