Эйфелнинг авлодлари Олимпия ҳалқаларини ота-боболарининг минорасида қолдириш қарорига қарши чиқишди

Эйфел минорасини яратган муҳандис Гюстав Эйфелнинг авлодлари Париж мэри Анн Идальгонинг Олимпиада ўйинлари олдидан у ерда ўрнатилган Олимпия ҳалқаларини сақлаб қолиш қарорига қарши чиқди.

"Париж ва Франциянинг рамзига айланган Эйфел минораси Олимпия ўйинлари каби тадбир билан доимий боғланишдан кўра кенгроқ мақсадни кўзлайди" - деди Гюстав Эйфел авлодлари жамияти BFMTV телеканалига.

Аввалроқ Идальго Олимпиада ўйинлари олдидан ўрнатилган олимпия ҳалқалари минорада қолишини айтган эди. Унинг сўзларига кўра, бунинг учун Халқаро олимпия қўмитасидан рухсат олинган.