Эрон ҳам юртимиз мезбонлигидаги ЖЧ-2024'га йўлланма олди

Футзал бўйича Осиё Кубогининг чорак финалида Эрон ва Қирғизистон терма жамоалари 24 апрель, чоршанба куни ўзаро тўқнаш келди.

Учрашув Эроннинг 6:1 ҳисобидаги ғалабаси билан якунланди. Шу тариқа Эрон ярим финал йўлланмасини қўлга киритган 2-жамоага айланди.

Аввалроқ Тожикистон Афғонистонни мағлуб этиб, ўз тарихида илк бор ярим финал йўлланмасини қўлга киритганди. Шунингдек, форслар кетма-кет 9-марта жаҳон чемпионати йўлланмасига эга чиқди.

Қайд этиб ўтиш жоиз, Эрон Ўзбекистон—Ветнам жуфтлиги ғолиби билан ярим финалда тўқнаш келади.

Ўзбекистоннинг Ветнамга қарши ўйини бугун 19:00 да старт олади.