Ер юзидаги энг кекса эркак туғилган кунини нишонлади

Дунёдаги энг кекса одам, британиялик Жон Алфред Тиннисвуд ўзининг 112 ёшини нишонлади. Бу ҳақда The Guardian нашри ёзди.

Апрель ойида Гиннеснинг рекордлар китоби 111 ёшли Тиннисвудни энг кекса эркак деб тан олган. Бунгача дунёнинг энг кекса эркаги сифатида тан олинган венесуэлалик Хуан Висенте Перес Мора 114 йил яшаган.

Тиннисвуд 1912 йилда, Титаник чўкиб кетган йили Ливерпульда туғилган. Унинг ҳаёти давомида Буюк Британия 24 Бош вазирни кўрган. У Англиянинг Саутпорт шаҳридаги қариялар уйида яшайди.

Тиннисвуд ҳали ҳам ҳеч қандай ёрдамсиз яшай олади - у ўз маблағини бошқаради, радиодаги янгиликларни кузатиб боради ва ҳар куни эрталаб ўзи ётоқдан тура олади.

“Кўп ичсанг, кўп есанг, кўчада кўп юрсанг, ҳар қандай нарсани кўп қилсанг, охир оқибат азоб чекасан”, – деди у.

Эслатиб ўтамиз, Япониянинг Асия шаҳрида яшовчи 116 ёшли Томико Итока испаниялик 117 ёшли Мария Браньяс вафотидан сўнг дунёдаги энг кекса одамга айланди.