Дубай шаҳзодаси Шайх Ҳамдан яна бир бор ота бўлди

Дубай шаҳзодаси Шайх Ҳамдан яна бир бор ота бўлди

Дубай валиаҳд шаҳзодаси Ҳамдан бин Муҳаммад бин Рашид Ал Мактум 2023 йилнинг февраль ойида учинчи марта ота бўлди. Бўлажак амир шу вақтга қадар эгизак фарзандлари — ўғли Рашид ва қизи Шайхни тарбиялаётган эди.

Янги туғилган чақалоққа Муҳаммад бин Ҳамдан бин Муҳаммад Ал Мактум деб исм қўйилган. У Instagram’даги саҳифасига отаси ва ўғли билан тушган суратларни жойлади. Бу ҳақда “Дарё” нашри хабар берди.

Суратда унинг отаси, Дубай амири Муҳаммад бин Рашид Ал Мактум қўлида қимматбаҳо адёлга ўралган чақалоқни ушлаб турганини ва валиаҳд шаҳзода эса ўғлига қараб ўтирганини кўриш мумкин.

Бундан ташқари, Ҳамдан ўғлини қучоқлаб, унга хушмуомалалик билан қараб тургани акс этган суратни ҳам тақдим этган.

“Аллоҳ уларни ўз паноҳида асрасин”, — деб изоҳ қолдирган Дубай шаҳзодаси суратлар остига.

Маълумот учун, 2019 йилнинг 15 май санасида Дубай валиаҳд шаҳзодаси Шайх бин Саид бин Сани ал-Мактумга уйланган эди. Ҳамдан 2021 йилнинг май ойида илк марта ота бўлган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!