Буюк Британия Украинадаги референдумлар учун санкциялар киритди
Буюк Британия Украина ҳудудида ўз республикаларининг Россия таркибига қўшилиши бўйича референдумлар ўтказилиши муносабати билан 92 шахс ва ташкилотга нисбатан санкциялар қўлланганини эълон қилди.
Хусусан, ИМА-Консалтинг агентлиги ва Гознак санкциялар остида қолган.
Шунингдек, референдумларни ташкиллаштириш учун масъул шахсларга ҳамда қатор олигархлар ва Россиянинг йирик давлат компаниялари топ-менежерларига нисбатан санкциялар жорий этилди, деб ёзади “Интерфакс”.
Рўйхатга “Газпромбанк”нинг 23 нафар юқори лавозимли ходими, “Сбербанк”нинг 16 нафар ходими ва “Совкомбанк”нинг ўн нафар вакили – бошқарув кенгаши, директорлар кенгаши, кузатув кенгашлари аъзолари киритилган. Улар орасида Курчатов институти президенти Михаил Ковалчук, Сбербанк бошқарувининг собиқ аъзоси Белла Златкис, Газпром бошқаруви раиси ўринбосари Фамил Садиков ва бошқалар бор.
Шунингдек, санкциялар рўйхатидан 2012 йилдан 2020 йилгача бош вазир ўринбосари лавозимида ишлаган Сбербанк бошқаруви раиси ўринбосарлари Анатолий Попов, Станислав Кузнецов, Олег Ганеев, Кирилл Царев, Олга Голодец ҳам бор. Бундан ташқари, Сбербанк инвесторлар билан алоқалар маркази раҳбари Анастасия Белянина ва Москва Сколково менежмент мактабининг собиқ президенти Андрей Шаронов ҳам санкциялар остида қолди.
Яна 50 нафарга яқин кишига референдум ўтказиш муносабати билан санкция қўйилган. Улар орасида россияпараст маъмурият раҳбарлари ва сепаратист тузилмалар вазирлари бор.
Британия ҳукуматининг пресс-релизида қайд этилишича, санкциялар рўйхатига Россиядан жами 1,2 мингга яқин жисмоний шахс ва 120 та тузилмани қўшган.
