Бухоро вилоятида "Ёш қутқарувчи” мусобақасининг вилоят босқичи ўтказилди

Бухоро вилояти ФВБ томонидан дахлдор ташкилотлар билан ҳамкорликда ўқувчи ёшларни ҳарбий ватанпарварлик руҳида тарбиялаш, фавқулодда вазият юз берганда тўғри ҳаракат қилиш, ўзи ҳамда ўзгаларга ёрдам бериш, билим, малака ва кўникмаларини шакллантириш мақсадида умумий ўртатаълим мактаблари ўртасида "Ёш қутқарувчи” кўнгиллилар клублари мусобақасининг вилоят босқичи бўлиб ўтди. Унда жамоалар 5 та шарт бўйича ғолиблик учун ўзаро беллашдилар.

Ғолиблар ва совриндорлар ташкилотчилар томонидан диплом ва эсдалик совғалари билан тақдирланди. Ғолиб жамоа мусобақанинг республика босқичи йўлланмасини қўлга киритди.