Болалар "дельта"дан кўра omicron'га тезроқ чалинишади — мутахассис

Халқаро амалиёт шуни кўрсатдики, omicron штамми келиши билан болаларнинг коронавирус билан касалланиш эҳтимоли янада ортган. Бу ҳақда аллерг-иммунолог Владимир Болибок "Тула" ахборот хизматига берган интервьюсида айтиб ўтди.

"Болалар дельта штаммига қараганда omicron'га кўпроқ чалинишади, гарчи илгари дельта штамми болаларда касалланишнинг кўпайишига сабаб бўлган бўлса-да", деди Болибок. Унинг сўзларига кўра, болаларда касаллик юқори иситма, юқори нафас йўллари ва ошқозон-ичак трактининг шикастланиши билан бирга кечади.