Байден Трампни машина ортидан қувадиган итга қиёслади

Украинанинг Олий Рада депутати Андрей Деркач янги аудиоёзувни эълон қилди.

Унда АҚШнинг собиқ вице-президенти Жо Байден Украинанинг собиқ президенти Пётр Порошенко билан бўлган суҳбати давомида Америка раҳбари Дональд Трампни итга қиёслаган.

Бу ҳақда "Strana.ua" хабар бермоқда.

Аудиоёзувда Байденнинг таъкидлашича, Трамп "машинани тортиб олиб, унинг қандай ҳайдалиши ва ичида нима борлигини тушунмайдиган итга ўхшайди".

Порошенко эса бундай таққослашга кулги билан муносабат билдирган. Шу билан бирга, Байден Украинанинг собиқ президентини мақтаган ва уни "миллатнинг отаси" деб атаган.

Деркачнинг сўзларига кўра, бу суҳбат Байден ва Порошенко ўртасида 2016 йилда бўлиб ўтган.