Аёлнинг даҳшатли ўлими: тадбиркор нега рафиқасини қутқара олмади? (видео+фото)
Мексикалик Сусана Каррера дугонасининг уйидан болаларини олиб кетаётганида фожиага йўлиқди. Аёлнинг ўғирланиши камерага тушиб қолди.
Видеога кўра, Сусана эшик олдида турганида номаълум машинадан нотаниш эркак тушган ва аёлни машинага солиб, ўғирлаб кетган. Орадан бир ҳафта ўтгач эса Веракрус штатида қора қопда аёлнинг бошсиз танаси топилган. Шунингдек, қуйидаги жумла ёзилганди: Бу фожиа мен билан содир бўлди, чунки эрим мен учун пул беришни истамади .
Таъкидлаш керакки, Сусана ва унинг эри тадбиркорлар Pexaluminio компаниясининг раҳбарларидир. Жиноятчилар аёл учун эридан 4 млн песо (14 млн рубл атрофида) пул талаб қилишган. Аммо пулни олишмагач, ваҳший жиноятни амалга оширишган.
Қотиллик ҳақидаги хабарни марҳуманинг эри тасдиқлади. Фожиадан бир неча соат ўтгач у ижтимоий тармоқдаги каналида қийин вазиятда қўллаб-қувватлаганларга миннатдорлик билдирди. Маҳаллий ОАВнинг ёзишича, марҳуманинг оиласи у учун талаб қилинган пулни йиғишга улгурмаган.
