АҚШда эркак 18 та итига ем бўлди

АҚШда 18 та ит ўз хўжайинини еб қўйди, деб хабар беради «Korrespondent.net».

57 ёшли америкалик 18 та кучуги билан яшаб келган. Марҳумнинг қариндошларини айтишича, улар баъзи-баъзида келиб, харидлар билан унга ёрдам бериб туришган.

Май ойида эса, улар ҳуқуқ-тартибот органларига мурожаат қилиб, апрель ойидан буён эркак билан боғлана олишмаётганини, уйга киришга эса жаҳлдор итлар йўл бермаётганини билдирган.

Полиция ходимлари уйга бостириб киришга мажбур бўлган, бироқ у ерда ҳеч кимни топа олмаган. Текширувлар натижасида улар бир бўлак суякка ва одам сочига дуч келган. Экспертиза хулосасига кўра, буларнинг барчаси йўқолган эркакка тегишли бўлган. Тахминларга кўра, итлар ўз хўжайинини бутунлай еб қўйган бўлиши мумкин.

Тўдасидаги иккита кучукни ўлдирган 13 та жаҳлдор ит йўқ қилинган, яна учтаси ҳайвонларни сақлаш масканига юборилган.