АҚШ фақат вакцина олганларнинг киришига рухсат беришни режалаштирмоқда

АҚШ ҳукумати ишлаб чиқаётган режага мувофиқ, мамлакат ҳудудига кираётган барча чет элликлар, айрим истисноларни ҳисобга олмаганда, COVID-19 га қарши тўлиқ эмланган бўлиши керак.

Режанинг АҚШ ўз чегараларини қайтадан очадиган вақтга қадар тайёр бўлиши кутилмоқда. Ҳукуматнинг бу борадаги режалари тўғрисида Оқ уй вакили журналистларга маълум қилди.

Ҳозирда мамлакатга учиб келаётган чет элликлар ва АҚШ фуқароларидан коронавирусга салбий ПЦР-тест ёки COVID-19 дан тузалгани тўғрисидаги маълумотнома талаб қилинади. Эрон, Буюк Британия, Жанубий Африка, Ҳиндистон ва бошқа айрим давлатлардан сайёҳларнинг мамлакатга кириши тақиқланган.