Англия терма жамоасининг собиқ мураббийи вафот этди

Швециялик футбол мураббийи Свен-Йоран Эрикссон душанба куни 76 ёшида, ўз уйида оиласи қуршовида вафот этди. Бу ҳақда Euronews хабар берди.

Англия терма жамоасини бошқарган илк хорижлик бўлган Эрикссон Италия, Португалия ва Швецияда клуб даражасидаги муваффақияти билан танилган.

У ошқозон ости бези саратони билан саккиз ойлик курашдан сўнг вафот этди, Швецияда "Свеннис" номи билан машҳур Эрикссон 27 ёшида мураббийлик фаолиятини бошлаш учун "футболчи" сифатидаги фаолиятини ташлади. Унинг энг катта ютуқлари 2001 йилдан 2006 йилгача бошқарган Англия терма жамоасида бўлган. Унинг қўл остида Дэвид Бекхэм, Стивен Жеррард, Уэйн Руни каби инглиз футболчилари 2002 ва 2006 йилги жаҳон чемпионатларида чорак финалга, Евро-2004 чорак финалига қадар етиб борган.

Унинг мураббийлик фаолияти нафақат футболдаги ютуқлари, балки Британия матбуотининг диққат марказида бўлган шахсий ҳаёти билан ҳам ажралиб турарди. Эрикссон швед телебошловчиси Ульрика Йонссон ва футбол ассоциацияси котиби Фариа Алам билан яқин муносабатларда бўлган.