Андижонда талабаларнинг ўлимига ҳайдовчининг катта тезликда ҳаракатлангани сабаб бўлган

Жорий йилнинг 21 сентябрь куни соат 03:40 ларда, Андижон вилояти, Жоҳонобод М.Ф.Й ҳудудидан ўтувчи А-373 автомобиль йўлининг 441-километрида ҳайдовчи, 1999 йилда туғилган А.А. "Tracker" русумли автомобилда катта тезликда ҳаракатланиб, руль бошқарувини йўқотиб бетон тўсиққа урилган.

Натижада, ҳайдовчи А.А. ва йўловчилар 2001 йилда туғилган А.Ю. ва И.А.лар кўрсатилган тиббий муолажаларга қарамасдан шифохонада вафот этган.

Ҳодиса юзасидан Андижон туман ИИБ ҳузуридаги ТБ томонидан терговга қадар текширув ҳаракатлари олиб борилмоқда.