Аҳолиси йўқолиб бораётган мамлакатлар кўрсатилди
2022 йил ноябрь ойида дунё аҳоли сони 8 миллиарддан ошганига қарамай, бу ўсиш секинлашмоқда. Бироқ, бу пасайишлар бутун дунё бўйлаб тенг эмас - баъзи мамлакатларда юқори ўсиш кузатилса, бошқалари пасайишни бошдан кечирмоқда.
Дунё бўйлаб 236 та мамлакат ва ҳудудлар таҳлил қилинганда 40 та давлатда аҳоли сони камайиши, баъзиларида эса йилига 1 фоизга ёки ундан кўпроққа қисқариши кузатилган.
Маълумотлар АҚШ ҳукуматининг Марказий разведка бошқармаси томонидан нашр этилган «Wорлд Фаcтбоок» китобининг бир қисми сифатида тўпланган.
«Бу пасайиш намунаси асосан туғилишнинг доимий пастлиги ва баъзи ҳолларда ўта пастлиги билан боғлиқ, айниқса Европа ва Шарқий Осиёнинг кўплаб мамлакатларида», дейди Томас Соботка, Витгенштейн номидаги демография ва глобал инсон капитали маркази тадқиқотчиси ва Вена демография институти директорининг ўринбосари.
«Аҳолиси кескин камайиб бораётган мамлакатларда туғилиш даражаси паст, чет элга кетиш юқори. Айниқса, Жануби-Шарқий ва Шарқий Европа мамлакатларида интенсив имиграция ва туғилишнинг доимий пастлиги уйғунлиги туфайли уларнинг аҳолиси тез қисқариб борди».
Марказий разведка бошқармаси маълумотларига кўра, аҳолиси энг тез қисқараётган мамлакатлар ва ҳудудлар қуйидагилар:
- Кук ороллари
- Сент-Пер ва Микелон
- Пуэрто-Рико
- Латвия
- Литва
- Полша
- Руминия
- Эстония
- Микронезия Федератив Штатлари
