4 та халқаро авиакомпания Тель-Авивга парвозларни тўхтатди
Исроил шимолидаги вазият кескинлашгани муносабати билан Air France, Бирлашган Араб Амирликларининг Etihad Airways ва Грециянинг Aegean Airlines авиакомпаниялари Тель-Авивга ва ундан келадиган парвозларни тўхтатганини маълум қилди, деб хабар беради BILD.
Аввалроқ яна 16 авиакомпания Исроилга парвозларни тўхтатган эди. Баъзи авиакомпаниялар парвозларни душанбагача, бошқалари эса кейинги огоҳлантиришгача тўхтатиб қўйишларини эълон қилдилар.
Аввал хабар қилинганидек, Германиянинг Lufthansa авиакомпанияси Тель-Авив ва Теҳронга парвозларни тўхтатиб туриш муддатини 2 сентябргача, Байрутга эса 30 сентябргача тўхтатади.
Эслатиб ўтамиз, сўнгги кунларда можаро янада кучайган. Масалан, куни кеча Исроил Ливан ҳудудига ҳужум қилаётгани маълум бўлди.
Кейинчалик, Исроил матбуотига кўра, Ҳизбуллоҳ Исроил шимолига 320 та ракета отган.
