17 апрел: бугун тарихда қандай воқеа-ҳодисалар бўлиб ўтган?

Бугун 17 апрел ҳафтанинг чоршанба куни. Ушбу кунда рўй берган муҳим воқеалар билан танишинг.

🌎 Бутунжаҳон гемофилия куни.
🌎 Халқаро ҳайку шеърияти куни.

🔹Америкалик давлат арбоби, олим, Америка асосчиларидан бири Бенжамин Франклин оламдан ўтди (1790).
🔹19 ёшли Невил Френсис Фитсжералд Чемберлен снукер ўйинини ўйлаб топди (1875).
🔹Л.Н.Толстой “Анна Каренина” романини ёзиб тугатди (1877).
🔹Metro-Goldwyn-Mayer киностудияси ташкил этилди (1924).
🔹Инженер Игор Сикорский биринчи вертолёт - амфибияни оммага кўрсатди (1941).
🔹 “Apollon-13” космик кемаси экипажи Ерга соғ-саломат қайтиб келди (1970).
🔹Англия қироличаси Елизавета II Канаданинг янги конституциявий қонунини тан олиб, уни тўлиқ мустақил деб эълон қилди (1982).
🔹Россияга икки расмий ном берилди – “Россия Федерацияси” ва “Россия” (1992).

🔸ХV асрда илмий фаолият кўрсатган математик ва астраном, Мирзо Улуғбекнинг шогирди Али Қушчи (Мавлоно Алоуддин Али ибн Муҳаммад Қушчи Самарқандий) таваллуд топган кун (1403).
🔸Италиялик астроном ва илоҳиётчи, Ой харитасини тузувчиларидан бири Жованни Баттиста Рициоли таваллуд топган кун (1598).