150 долларлик Redmi Note 7 қайси рейтингда 1800 долларлик Galaxy Fold буклама смартфонидан устун келди?
Ҳозирда бозорда турли нарх тоифаларига мансуб смартфонлар мавжуд бўлиб, уларнинг ҳар бири ҳам ўз харидорига эга. Шунга яраша, телефонларнинг оммалашувчида нарх ёки бирор конкрет хусусият ҳамиша ҳам асосий омил бўлавермайди.
GSMArena нашри 20 январь санасида шу кунларда энг оммалашган смартфонлар рўйхатини эълон қилди. Айтиш керакки, мазкур рейтинг сайт фойдаланувчиларининг сўровлари асосида автоматик тарзда тузилади ва ҳар ҳафта янги натижалар эълон қилиб келинади.
Ушбу рўйхатнинг бошида эса ҳали тақдимотдан олдиноқ бир қатор видеолари билан жаҳон аҳлининг эътиборини қозониб улгурган Xiaomi Redmi Note 7 турибди. Буни қарангки, рейтингнинг иккинчи поғонасини хитойча Apple нинг ҳали расман намойиш этилиб улгурмаган яна битта Redmi Note 7 Pro модели забт этган!
Оммалашган смартфонлар рейтингидаги учинчи ўрин Samsung компаниясининг Galaxy Fold (Galaxy Folder ёки Galaxy F) буклама смартфонига насиб этган бўлса, тўртинчи поғонада яна Xiaomi маҳсулоти Redmi Note 6 Pro (сотиб олиш) турибди. Кучли бешликни Samsung Galaxy A7 (2018) (сотиб олиш) модели якунлаб берган.
Кейинги ўринларни эса мос равишда Huawei Y9 (2018), Xiaomi Pocophone F1 (сотиб олиш), Samsung Galaxy S8, Huawei Nova 4, Samsung Galaxy A8s моделлари эгаллаган.
Manba: terabayt. uz
