Испанияда коронавирус эпидемияси бошланишининг кутилмаган версияси маълум қилинди
Испаниялик олимлар коронавирус ўтган йилнинг март ойида тарқалишни бошлаган бўлиши мумкинлигини айтишди.
Барселона университети веб-сайтида эълон қилинган хабарга кўра, тадқиқотчилар SARS-CoV-2ни 2019 йил 12 мартида олинган шаҳарнинг оқава сувларидан топишган.
Аммо қайд этилишича, 2018 йил январидан 2019 йил декабригача бўлган бошқа сув намуналарида вирус аниқланмаган.
Испания вирусология жамияти президенти Альберт Босканинг сўзларига кўра, дунёнинг бошқа йирик шаҳарларида ҳам худди шундай ҳолат бўлиши мумкин. Унинг фикрига кўра, эпидемиядан олдин CОVID-19 касаллиги бўлган одамларга грипп ташхиси қўйилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
