Zelenskiy: Rossiya sammitda bo‘lishi kerak
Prezident Vladimir Zelenskiy dushanba kuni Ukrainadagi urushni tinch yo‘l bilan hal etish bo‘yicha ikkinchi sammitda Rossiya vakili bo‘lishi kerakligini aytdi.
O‘tgan oy Zelenskiy tomonidan Shveysariyada o‘tkazilgan va Rossiya taklif etilmagan yuqori darajadagi sammitdan so‘ng o‘nlab dunyo yetakchilari Ukrainada adolatli tinchlik o‘rnatilishini qo‘llab-quvvatladilar.
«Menimcha, Rossiya vakillari ikkinchi sammitda bo‘lishi kerak», — dedi Zelenskiy Kiyevdagi matbuot anjumanida, u navbatdagi sammitga tayyorgarlik ko‘rishni aytib o‘tdi.
📆 Vladimir Zelenskiy ham noyabr oyiga qadar tinchlik rejasining barcha elementlarini tayyorlash niyatida ekanligini ma’lum qildi.
«Men o‘z oldimga maqsad qilib qo‘ydimki, noyabrda bizda to‘liq tayyor reja bo‘ladi», dedi Zelenskiy.
