Zelenskiy: "Biz Rossiya bilan, lekin Rossiyaning boshqa prezidenti bilan muloqotga tayyormiz"
Ukraina prezidenti Vladimir Zelenskiy mamlakat endi tezlashtirilgan tarzda NATOga a’zo bo‘lish uchun ariza topshirayotganini aytdi. U Finlyandiya va Shvesiya alyansiga tezda qo‘shilishi haqida gapirdi.
NATOga a’zo bo‘lish uchun ariza topshirish qarori Milliy xavfsizlik va mudofaa kengashining 30 sentabrdagi yig‘ilishi yakunlari bo‘yicha qabul qilingan.
"De-fakto(aslida mavjud, ammo qonuniy tasdiqlanmagan), biz allaqachon NATOga yo‘l oldik. De-fakto, biz allaqachon alyans standartlariga o‘zaro muvofiqligini isbotladik, ular Ukraina uchun haqiqiy jang maydonida va o‘zaro hamkorligimizning barcha jabhalarida haqiqiydir", dedi Ukraina prezidenti.
"Shimoliy Atlantika Ittifoqi bu. Biz bir-birimizga ishonamiz, bir-birimizga yordam beramiz va bir-birimizni himoya qilamiz. De-fakto. Bugun Ukraina buni qonuniy qilish uchun murojaat qilmoqda. Butun hamjamiyatimizni himoya qilishdagi ahamiyatimizga mos keladigan tartibda, tezkor ravishda ariza beramiz”, - dedi Zelenskiy
"Biz ijobiy javob olishimizni bilamiz. Finlyandiya va Shvesiya bu yil a’zolik bo‘yicha harakatlar rejasisiz ittifoqqa qo‘shila boshlaganini ko‘rdik", - deya qo‘shimcha qildi u.
Zelenskiy, shuningdek, Ukraina Rossiyaga har doim teng, halol, munosib va adolatli sharoitlarda birga yashashga kelishib olishni taklif qilganini aytdi
"Ochig‘i, Rossiya prezidenti bilan kelishishning iloji yo‘q. U qadr-qimmat va halollik nimaligini bilmaydi. Shuning uchun biz Rossiya bilan, lekin Rossiyaning boshqa prezidenti bilan muloqotga tayyormiz", dedi u.
Zelinskiy Ukrainaning barcha hududlari dushmanlardan ozod qilinishini qo‘shimcha qildi. aytdi.