Yangi o‘quv yilidan 545 ta maktabga borib ishlagan o‘qituvchilarga 100 foiz ustama to‘lanadi

Yangi o‘quv yili uchun 545 ta maktab ta’lim sifati yuqori bo‘lmagan maktablar ro‘yxatidan o‘rin oldi.

Ularda dars berish uchun boshqa hududlardan jalb qilingan oliy va birinchi toifaga ega o‘qituvchi-pedagoglarning bazaviy tarif stavkalariga 100 foiz (bir ma’muriy birlik doirasida 50 foiz) maxsus ustamalar belgilanadi.

Boshqa hududlardan jalb qilingan o‘qituvchi-pedagoglarning bazaviy tarif stavkalariga maxsus ustamalar ular borgan maktab ta’lim darajasi yuqori bo‘lmagan maktablar ro‘yxatidan chiqarilgan yildan keyingi yil uchun ham to‘lanadi.