Yana ishq qissasi: Bred Pittning navbatdagi ma’shuqasi kim?

Gollivud aktyori Bred Pitt "Oskar" nomzodi aktrisa Andra Dey bilan ishqiy aloqada bo‘lganlikda gumon qilingan. Bu haqda The Mirror nashri xabar bermoqda.

Nashrning yozishicha, Pitt Dey bilan "Oskar" taqdimotida telefon raqamlarini almashgan. Guvohlarning aytishicha, aktyorlar "sahna ortida bir-birlariga boshqacha qarashgan".

"Bu shunchaki professional munosabatlar bo‘lishi mumkin edi, ammo Bredning ba’zi do‘stlari ular ajoyib juftlik bo‘lishini aytishdi", deb ta’kidlashdi ular. Yana bir manbaning qo‘shimcha qilishicha, "Andra bir muncha vaqtdan beri Bredning diqqat markazida".