Xitoy armiyasi Tayvanga beshta harbiy kema va 17 samolyot yubordi

Xitoy Xalq ozodlik armiyasi seshanba kuni Tayvanga 17 ta jangovar samolyot va beshta harbiy kema jo‘natdi, deyiladi orol mudofaa vazirligi kundalik hisobotida.

“Soat 17:00 (Toshkent vaqti bilan 14:00) holatiga ko‘ra, Tayvan qurolli kuchlari Tayvan atrofidagi dengiz va havo bo‘shlig‘ida patrul xizmatini amalga oshirgan Xitoy Xalq ozodlik armiyasining 17 ta samolyoti va 5 ta kemasini aniqladi”, — deyiladi xabarda.

Ta’kidlanishicha, 10 ta samolyot Tayvan bo‘g‘ozining “o‘rta chizig‘i”ni kesib o‘tgan, jumladan, to‘rtta CU-30 qiruvchisi , uchta J-11, ikkita J-16 va bitta Y-8 elektron razvedka samolyoti.