Xitoy AQSh Yevropadan yadro qurollarini olib chiqib ketishi kerak deb hisoblaydi

Qo‘shma Shtatlar “Yadro qurollarini tarqatmaslik to‘g‘risida”gi shartnomaga muvofiq, o‘z yadroviy qurollarini Yevropa mintaqasidan olib chiqishi kerak.

Bu haqda XXR qurol-yarog‘ nazorati departamenti rahbari Fu Sun ma’lum qildi, – deb yozadi “TASS”.

AQSh Yevropadan barcha yadro qurollarini olib chiqib ketishi va boshqa mintaqalarda yadro qurolini joylashtirishdan tiyilishi kerak, – dedi Fu Sun.

Diplomatning so‘zlariga ko‘ra, NATOga a’zo davlatlarning birgalikdagi yadroviy missiyalari “Yadro qurollarini tarqatmaslik to‘g‘risida”gi shartnomani buzish hisoblanadi va bu yadroviy mojaroga olib kelishi mumkinligini ta’kidladi.

– Vashingtonning Yevropadan o‘rnak olib, Uzoq Sharq mintaqasida yadro qurolini joylashtirishga urinishi mintaqa davlatlari tomonidan javob qaytarilishiga sabab bo‘ladi, – dedi Fu Sun.