Xitoy 2026 yilda yirik spektroskopik teleskopni ishga tushirishni rejalashtirmoqda

Ekzosayyoralarni tadqiq etishga mo‘ljallangan katta spektroskopik teleskopi (Jiaotong University Spectroscopic Telescope) 2026 yilda qurib bitkazilishi va foydalanishga topshirilishi rejalashtirilgan, deb xabar beradi Xinhua axborot agentligi.

Teleskop Xitoy shimoli-g‘arbidagi Sinxay provinsiyasi Lenxu yaqinidagi Sayshiten tog‘ida quriladi.

4,4 metrli diafragma teleskopi maqsadli manbalar o‘rtasida tezkor almashinish imkoniyatiga ega bo‘lib, o‘z vaqtida spektral kuzatishlarni amalga oshirish imkonini beradi.

Olimlarning fikricha, bu bir qancha sohalarda, jumladan, astronomiya va ekzosayyoralarni tadqiq qilish bo‘yicha bir qator ilg‘or tadqiqot natijalariga olib kelishi kutilmoqda.

“U uzoq vaqt davomida Xitoydagi eng ilg‘or spektral teleskop bo‘lib qoladi”, — deyiladi Shanxayning «Szyaotun» universiteti bayonotida.

Ushbu uskuna bir vaqtning o‘zida ko‘p maqsadli va yuqori aniqlikdagi spektral kuzatishlarni amalga oshirish imkonini beradi va bunday kuzatishlarni amalga oshiradigan birinchi asbob bo‘ladi. Teleskop ekzosayyoralarni aniqlash samaradorligini sezilarli darajada oshirishi kutilmoqda.