O‘zbekistonning oltin-valyuta zaxirasi kamaydi

O‘zbekistonning oltin-valyuta zaxirasi kamaydi

O‘zbekiston Respublikasining yalpi xalqaro zaxiralari joriy yilning 1 iyun holatiga ko‘ra, 35 mlrd 403,7 mln dollarni tashkil etdi. Bu may oyiga nisbatan 497,1 mln dollarga kam degani. Bu haqda Markaziy bank ma’lum qildi.

Zaxiralar tarkibidagi oltinning fizik qoldig‘i 11,4 mln troy unsiyasini tashkil qilmoqda. Uning moliyaviy qiymati 21,3 mlrd dollardan 21,1 mlrd dollarga kamaygan.

Xalqaro zaxiralar xorijiy valyuta mablag‘lari, maxsus qarz olish huquqi, Xalqaro valyuta jamg‘armasidagi zaxira pozisiyasi va oltindan iborat. Xorij valyutasi, asosan, banklarda saqlanadigan naqd pullarni o‘z ichiga oladi.

Ma’lumot uchun, O‘zbekiston Respublikasi yalpi xalqaro zaxiralari 2022 yil boshidan 264,5 mln. dollarga yoki 0,8 foizga oshdi. Bunda oltin narxining yil boshidagi 1799,25 dollardan 1854,40 dollargacha o‘sishining ta’siri 630 mln. dollarni tashkil qildi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!

Bildirilgan fikrlar (1 )

    @@#####@@
    Халкка нима фойдаси бор.озайиб купайишини