O‘zbekiston hududida qancha tulki borligini bilasizmi?
2022 yilning 1 yanvar holatiga ko‘ra, O‘zbekistonda mavjud tulkilarning umumiy soni 4 533 tani tashkil etmoqda. Bu haqda Davlat statistika qo‘mitasi xabar berdi.
Ma’lum qilinishicha, yovvoyi hayvonlarni qo‘riqlash va ko‘paytirish tadbirlarini bajaruvchi tashkilotlar hisob-kitoblariga ko‘ra, tulkilar soni eng ko‘p Qashqadaryo viloyatida ro‘yxatga olingan — 1537 ta. Undan keyingi o‘rinni 10 ta kam ko‘rsatkich bilan Qoraqalpog‘iston Respublikasi egallagan. Shuningdek, quyidagi viloyatlar hududlarida ham tulkilar ko‘p hisoblanadi:
- Toshkent viloyati – 624 ta;
- Buxoro viloyati – 392 ta;
- Farg‘ona viloyati – 356 ta.
Statistika qo‘mitasiga ko‘ra, mamlakatdagi tulkilar soni bo‘rilar soniga qaraganda 3 mingtaga ko‘p. Shuningdek, O‘zbekistonda faoliyat yuritayotgan hayvonot bog‘lari soni 3 tani tashkil etadi.