Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da

Ukraina prezidenti O‘zbekistonning 1 nafar fuqarosi va 3 ta korxonasiga qarshi sanksiyalar joriy qildi.

E’lon qilingan farmonga ko‘ra, jami 58 nafar jismoniy va 74 nafar yuridik shaxsga nisbatan cheklov choralari qo‘llanilgan, ulardan 67 nafari Rossiya Qurolli kuchlariga harbiy texnologiyalar yetkazib berishda ayblangan. Sanksiyalar ro‘yxatida O‘zbekistonning uchta, Eron va Xitoyning bittadan kompaniyasi nomi qayd etilgan.

O‘zbekistondagi quyidagi korxonalar Ukrainaning sanksiyalar ro‘yxatidan joy olgan:

— Farg‘ona kimyo zavodi” MCHJ (Farg‘ona);
— “Raw materials cellulose” MCHJ (Jizzax);
— “Mercury Renaissance” MCHJ QK (Toshkent).

Bundan tashqari, o‘zbekistonlik Rustam Mo‘minov ismli shaxsga qarshi sanksiyalar kiritilgan.