Turkiya Madaniyat va turizm vaziri Mehmet Nuri Ersoy: 2023 yilning yanvar-oktyabr oylarida qabul qilgan sayyohimizning umumiy soni 50,2 million kishidan oshdi

Madaniyat va turizm vaziri Mehmet Nuri Ersoy, yilning 10 oyida ziyoratchilar sonining 50,2 million kishidan oshganini ma’lum qildi va “Ta’til uchun Turkiyani afzal ko‘rgan xorijlik sayyohlar soni 10 oyda o‘tgan yilgiga nisbatan 11,58 foizga oshganligini anglatadi” - dedi.

Antaliya

Ersoy Antaliyadagi Belek turizm mintaqasidagi Nest kongress markazida o‘tkazilgan 13-Xalqaro kurort turizmi kengashining ochilishida so‘zlagan nutqida barcha o‘qituvchilarni 24 noyabr – “Xalqaro O‘qituvchilar kuni” bilan tabrikladi.

Turizmda navbatdagi bir yilni yakunlaganliklarini ifoda etgan Ersoy, yil boshida 55,6 milliard dollar turizm daromadini maqsad qilganliklarini, ammo markazi Kahramanmarashda bo‘lgan zilzilalar, saylov jarayoni va Isroilning G‘azoga hujumlariga qaramasdan, ko‘zlangan maqsadga juda yaqin ekanliklarini bildirdi.

Ersoy turizm ko‘rsatkichlari haqida ma’lumot berar ekan:

“2023 yilning yanvar-oktyabr davrida mezbonlik qilgan jami ziyoratchilarimiz soni 50,2 million kishidan oshdi. Ta’til uchun Turkiyani afzal ko‘rgan chet ellik sayyohlar soni bu 10 oyda o‘tgan yilning shu davriga nisbatan 11,58 foizga o‘sganidan dalolatdir. Turizm daromadlari 2023 yil yanvar-sentyabr davrida 42 milliard dollarga yetdi. O‘tgan yilning huddi shu davrida erishgan 35 milliard dollarlik daromadga nisbatan 20 foizga yuqorilaganimizni ko‘rishdan mamnunmiz”.

Vazir Ersoy, 2002 yilda taxminan 800 ming bo‘lgan turar joy binolarining umumiy yotoq sig‘imini noyabr oyi holatiga ko‘ra 175 foizga oshirib, 2,2 millionga ko‘targanliklarini va malakali turizmda juda zarur jarayonni yakunlashga yaqinlashganliklarini qayd etdi.

Shuningdek Ersoy: “2028 yildagi maqsadimiz ancha katta. Turizm daromadini 100 milliard dollarga ko‘taramiz. Umid qilamizki, har doimgidek qadrli soha mutaxassislarimizning fidokorona mehnati va qo‘llab-quvvatlashi bilan maqsadlarimizga birin-ketin erishamiz, - deya qo‘shimcha qildi.

TGA bilan 200 ta mamlakatlarda targ‘ibot ishlari

Turkiya geosiyosiy joylashuvi tufayli o‘tmishda bo‘lgani kabi bugun ham inqirozlarga duch kelganini tilga olgan Ersoy, mintaqaviy to‘qnashuvlar, urushlar, tabiiy ofatlar va global muammolar bilan doimo duch kelganiliklarini bildirdi.

Shu sababli Ersoy, vazirlik sifatida global va mintaqaviy inqirozlarga qarshi immunitetni oshirish, sayyohlarni Turkiyaga olib kelish va turizm daromadlarini oshirish maqsadida 2019 yilda Turkiya Turizmni targ‘ib qilish va rivojlantirish agentligini (TGA) tashkil qilganliklarini eslatdi. TGA inqiroz davrida aloqalarni boshqarish uchun mas’ul ekanini va ko‘plab muvaffaqiyatli ishlarni amalga oshirganligini ham ta’kidladi.

Butun dunyodan matbuot a’zolari, jurnalist-blogerlar, turoperatorlar va yetakchi shaxslarning Turkiyada mehmon bo‘lganini eslatgan Ersoy, so‘zlarini quyidagicha davom ettirdi:

“20 noyabr holatiga ko‘ra, yil boshidan buyon 85 ta turli mamlakatlardan jami 6 ming 257 kishi, jumladan, 3 ming 140 nafar matbuot a’zosi, jurnalist-blogerlar va 3 ming 117 turoperatorlar Turkiyaning 73 ta turli viloyatlarida o‘tkazilgan 424 ta alohida mehmondo‘stlik tadbirida ishtirok etdi. Bu davrda Antaliyada 75 mamlakatdan, taxminan, 1680 kishi mehmon bo‘ldi. Biz yil so‘ngigacha vazifalarimizni davom ettiramiz va Turkiyaning barcha 81 viloyatini ushbu mehmondo‘stlik tadbirlariga kiritamiz. Bu raqamlardan ma’lumki, shubhasiz, biz dunyodagi eng intensiv reklama, targ‘ibot va tashviqot ishlarini olib boradigan davlatmiz”.

Madaniyat yo‘li festivali 2028 yilda 35 ta shaharni qamrab oladi

Vazir Ersoy, turizmda mahsulot xilma-xilligiga ahamiyat berganliklarini, ayniqsa, madaniy turizmda muhim ishlarni amalga oshirganliklarini bayon qildi.

2021 yilda Istanbul Beyog‘luda boshlangan Madaniyat yo‘li festivali loyihasini yanada kengroq ommaga yoyganliklarini ifoda etgan Ersoy, bu yil “Jumhuriyatning 100 yilligida, 100 kunda 11 festival” shiori bilan yo‘lga chiqqanliklarini va Turkiya Madaniyati Yo‘l Festivallari doirasida 11 viloyatda 400 ga yaqin joylarda 5 mingdan ortiq tadbir o‘tkazganliklarini ta’kidladi.

Har yili ushbu zanjirga 5 ta shaharni qo‘shish orqali festivallarning ta’sir doirasini yanada kengaytirishlarini bildirgan Ersoy, 2028 yilda 35 ta shaharda Turkiya madaniyati yo‘l festivallarini o‘tkazishni maqsad qilganliklarini ilova qildi.

Istanbulning 2022 yilda Mishel qo‘llanmasiga kiritilganini eslatgan Ersoy, joriy yilda ushbu nufuzli ro‘yxatga Izmir va Bodrumning ham qo‘shilganini mamnuniyat bilan ta’kidladi. Ersoy, kelgusi yillarda Antaliyaning ham yo‘riqnomada o‘z o‘rnini egallashiga qat’iy ishonchini ifoda etdi.