Tramp Baydendan oldinda
![Tramp Baydendan oldinda Tramp Baydendan oldinda](/photos/news/6Y7sPnoZptGkuxW.jpeg)
AQShning sobiq prezidenti Donald Trampning reytingi hozirgi davlat rahbari Jo Baydennikidan oshib ketdi. Bu haqda WSJ nashri o‘tkazgan so‘rov natijalaridan kelib chiqadi.
So‘rov natijalariga ko‘ra, respondentlarning 47 foizi Tramp uchun ovoz berishga tayyor, faqat 43 foizi Baydenga ovoz berishga tayyor. Bo‘lajak saylovga boshqa potensial nomzodlar qo‘shilsa, bu farq yanada kengayadi - 37% ga nisbatan 31%. Boshqa nomzodlar orasida sobiq demokrat kichik Robert Kennedi 8% bilan eng mashhur.
So‘rov shuni ko‘rsatdiki, ishtirokchilarning atigi 23 foizi Bayden siyosati shaxsan ularga foyda keltirganiga ishonishadi, 53 foizi esa uning oqibatlaridan jabr ko‘rgan. Tramp uchun bu ko‘rsatkichlar mos ravishda 49% va 37% ni tashkil qiladi.
Shu tariqa, Tramp WSJ saylovoldi so‘rovlarida birinchi marta yakkama-yakka qarama-qarshilikda Baydenni ortda qoldirdi. So‘rov 29 noyabrdan 4 dekabrga qadar onlayn va oflayn rejimda o‘tkazildi va unda 1500 kishi ishtirok etdi. AQShda navbatdagi prezidentlik saylovi 2024 yilning noyabriga belgilangan.