Sud Isroildagi umumiy ish tashlashni to‘xtatishni talab qildi

Bugun Isroilda eng nufuzli Histadrut kasaba uyushmasi tomonidan uyushtirilgan, garovga olinganlarni ozod qilish bo‘yicha HAMAS bilan kelishuvga erishish talabidagi umumiy ish tashlash bo‘lib o‘tmoqda.

Mamlakatdagi ko‘plab yo‘llar faollar tomonidan to‘sib qo‘yilgan, korxonalar, banklar, maktablar va aeroportlar ishlamayapti.

Isroil hukumati namoyishni siyosiy deb hisoblab, uni to‘xtatishga urindi. Isroil Moliya vaziri, Xavfsizlik kabineti a’zosi Besalel Smotrich esa mamlakat bosh prokuroridan ish tashlashni taqiqlashni so‘radi.

Isroil Mehnat sudi ish tashlashni mahalliy vaqt bilan 14:30 ga qadar tugatishga buyruq berdi, biroq mahalliy OAV tashkilotchilar ish tashlashni mahalliy vaqt bilan soat 18:00gacha davom ettirishni rejalashtirganini xabar qilmoqda.