Stoltenbergning muhim bayonotlari

NATO bosh kotibi Yens Stoltenberg Germaniyaning Funke media guruhiga bergan intervyusida "Ukrainada uzoq urushga tayyorgarlik ko‘rishga" chaqirdi.

Yens Stoltenbergning so‘zlariga ko‘ra, "Ko‘pchilik urushlar boshlangan paytdan kutilganidan uzoqroq davom etadi".

Bosh kotib, shuningdek, sulh va o‘t ochishni to‘xtatishga qarshi chiqdi: "Tinchlik kelishuvi Rossiyaga yana hujum qilishi uchun muhlat bo‘lmasligi kerak. Biz endi Rossiyaning Yevropa xavfsizligini xavf ostiga qo‘yishiga yo‘l qo‘ya olmaymiz".

Shu bilan birga, uning so‘zlariga ko‘ra, NATO "tezda tinchlikka" intiladi, lekin Ukrainaning yo‘q bo‘lib ketishi evaziga emas. Stoltenbergning fikricha, Ukraina oxir-oqibat NATOga qo‘shiladi.