Shvesiyada yadroviy hujumdan himoyalanish uchun o‘n minglab bunkerlar mustahkamlanmoqda

Shvesiya o‘zining fuqarolik boshpanalarini keng ko‘lamli modernizasiya qilishni boshladi, deb xabar beradi BILD nashri.

Mamlakatdagi barcha 64 ming bunker odamlarni hatto yadroviy zarbadan ham himoya qila oladigan holatga keltirilishi kerak. Bu haqda Shvesiya fuqarolik muhofazasi xizmati (MSB) xabar berdi. Ta’mirlash uchun 100 million kron ajratilgan, bu taxminan 9 million yevrodir.

MSB ma’lumotlariga ko‘ra, agar kerak bo‘lsa, bunkerlar 7 million kishiga boshpana bo‘lishi mumkin (Shvesiyaning butun aholisi taxminan 10,5 million kishi).

Mamlakatda bunday boshpanalarning ikki turi mavjud: turar joy binolariga qurilgan oddiylar va qoyalarga o‘yilgan yoki ayniqsa mustahkam betondan qurilgan «fellbunker»lar. Ular nafaqat portlash to‘lqinlari va shrapnellardan, balki radiasiya, kimyoviy yoki biologik qurollardan ham himoya qilishlari kerak.

Modernizasiya loyihasi Shvesiyada qabul qilingan "umumiy mudofaa" umumiy strategiyasiga mos keladi: urush bo‘lsa, har bir fuqaro o‘z rolini bilishi va harakat qilishga tayyor bo‘lishi lozim. 25 ta yirik bunkerda ta’mirlash ishlari allaqachon boshlangan.