Shavkat Mirziyoyev Afg‘onistonning xorijiy banklardagi davlat aktivlarini eritishga chaqirdi

Bu haqda O‘zbekiston rahbari Dushanbedagi SHHTning yubiley sammitida aytib o‘tdi.

Prezidentning so‘zlariga ko‘ra, Afg‘onistonda bugun yangi voqelik shakllangan, yangi kuchlar hokimiyatga kelgan. Shu munosabat bilan u mazkur mamlakatdagi vaziyatga muvofiqlashtirilgan yondashuvlarni ishlab chiqish hamda uning yangi hokimimiyati bilan muloqotni rivojlantirish zarurligini bildirdi.

"Bu borada Afg‘onistonning xorijiy banklardagi davlat aktivlarini eritish imkoniyatini ko‘rib chiqish kerak", – dedi Mirziyoyev.

Bu mamlakatdagi harakatlarni birlashtirish va siyosiy tartibga solish masalalarini keng muhokama qilish uchun Prezident kuzatuvchi davlatlar va muloqot sheriklarini jalb qilgan holda "SHHT-Afg‘oniston" formatida oliy darajadagi uchrashuvlarni muntazam o‘tkazishni taklif qildi. Birinchi uchrashuv uchun platforma sifatida Toshkent taklif qilingan.

Rossiya prezidenti Vladimir Putin ham o‘z chiqishida "SHHT-Afg‘oniston" formatining qayta tiklanishi haqida gapirib o‘tdi.