Shahrisabz shahrida fuqarolarning nomiga mobil ilova orqali kredit rasmiylashtirib o‘zlashtirgan shaxs aniqlandi

Bosh prokuratura huzuridagi Departamentning Shahrisabz shahar bo‘limi tomonidan o‘tkazilgan tergovga qadar tekshiruvda fuqaro YA.X. 3 nafar fuqaroning ishonchiga kirib, ularning nomiga mobil ilovalar orqali jami 100,9 mln so‘mlik kredit va bo‘lib to‘lash sharti evaziga mahsulotlar olishga erishib, ushbu kredit va mahsulotlarni o‘z ehtiyojlari uchun ishlatib yuborganligi aniqlandi.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib,tergov harakatlari o‘tkazilmoqda.