Serxio Ramos YECHL tarixidagi 10 000-gol muallifi bo‘ldi
![Serxio Ramos YECHL tarixidagi 10 000-gol muallifi bo‘ldi Serxio Ramos YECHL tarixidagi 10 000-gol muallifi bo‘ldi](/photos/news/Dwt8Vxw54nWmD07.jpeg)
"Sevilya" himoyachisi Serxio Ramos Chempionlar ligasi guruh bosqichi 5-turi doirasidagi PSVga qarshi o‘yinda gol urdi.
37 yoshli ispaniyalik o‘yinning 24-daqiqasida hisobni ochdi.
Bu gol turnir tarixidagi 10 000-gol bo‘ldi.
Ramos jamoaga qaytganidan so‘ng "Sevilya" uchun birinchi marta gol urgan bo‘lsa, bundan avval oxirgi marta u 2005 yilning 14 mayida "Real"ga qarshi o‘yinda gol urgan edi.
Bu futbolchining turnirdagi 16-golidir. Roberto Karlos va Jerar Pike bilan birgalikda u Chempionlar ligasida himoyachilar tomonidan kiritilgan gollar soni bo‘yicha yetakchi hisoblanadi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)