Senat to‘xtash yoki to‘xtab turish qoidalarini buzganlik uchun jarimani kamaytirishni ma’qulladi

Senat Yalpi majlisida ma’qullangan qonunga ko‘ra, Ma’muriy javobgarlik to‘g‘risidagi kodeksning 128-6-moddasidagi (transport vositalari haydovchilari tomonidan to‘xtash yoki to‘xtab turish qoidalarini buzganlik) jarima miqdori BHMning 3 baravaridan (735 ming so‘m) 2 baravariga (490 ming so‘m) qisqarmoqda.

Shuningdek, takroran sodir etilgan noto‘g‘ri «parkovka» uchun yuqori miqdordagi jarima solish tartibi bekor qilinmoqda. Ya’ni ilgari bir marta jarima qo‘llangandan keyin 1 yil ichida yana takroran sodir etilsa 3 mln 675 ming so‘mgacha jarima solinar edi.

Endi necha marta qoida buzilganidan qat’i nazar bir xil - BHM 2 baravari (490 ming so‘m) miqdorida jarima solinadi.

Qonun Prezident tomonidan imzolanib, e’lon qilingach kuchga kiradi