Sardor Rashidovning Portugaliya chempionatidagi debyut o‘yinida jamoasi sharmanda bo‘ldi
10 fevral, yakshanba kuni futbol bo‘yicha Portugaliya chempionatining 21-turidan o‘rin olgan bahsda Sardor Rashidov to‘p surayotgan Nasional klubi safarda Benfika mehmoni bo‘ldi. Bu haqda Daryo yozmoqda.
Uchrashuvning dastlabki daqiqasidayoq Benfika a’zosi Alexandro Grimaldo hisobni ochdi (1:0). 21 va 27-daqiqalarda Haris Seferovich Nasional darvozasini ishg‘ol qildi va dublga erishdi. 85 va 90-daqiqalarda Jonas ham gol urib, dubl qayd etdi. Joao Feliks, Pissi, Fransisko Ferreira, Ruben Diash, Rafa Silva ham o‘z hisobiga bittadan gol yozdirib qo‘ydi.
Shu tariqa Nasional Sardor Rashidov debyut qilgan bellashuvda yirik 0:10 hisobida mag‘lubiyatga uchradi.
Eslatib o‘tamiz, O‘zbekiston terma jamoasi hamda Toshkentning Lokomotiv klubi sobiq yarim himoyachisi Sardor Rashidov 16 yanvar kuni Portugaliyaning Nasional klubiga o‘tgandi.
Primeyr liga
21-tur bahsi
10 fevral, yakshanba
Benfika Nasional 10:0
Gollar: 1:0 1 Grimaldo, 2:0 21 Seferovich, 3:0 27 Seferovich, 4:0 50 Feliks, 5:0 54, penalti, Pissi, 6:0 56 Ferreira, 7:0 64 Diash, 8:0 85 Jonas, 9:0 88 Silva, 10:0 90 Jonas.
