Saraton xavfini oshiruvchi oziq-ovqat mahsulotlari aytildi
Isroilning Lautenberg universiteti immunologiya va saraton tadqiqotlari markazi olimlari xulosalariga ko‘ra, antioksidantga boy mahsulotlar ayrim saraton kasalliklari xavfini oshirishi mumkin.
Xususan, puxta tahlil natijasida yo‘g‘on ichakda saratonning tez tarqalishiga sabab bo‘ladigan "aybdorlar" aniqlangan. Bular qora choy, shokolad, yong‘oq kabi antioksidant miqdori yuqori oziq-ovqat mahsulotlaridir.
Olimlarning fikriga ko‘ra, saraton kasalligining rivojlanishida hal qiluvchi rolni "p53" deb nomlangan oqsil o‘ynaydi, u hujayradagi irsiy mutasiyalarni bostiruvchi hujayrali to‘siq vazifasini bajaradi. Oqsil shikastlanganda, u nafaqat hujayrani himoya qilishni to‘xtatadi, aksincha, saraton rivojlanishini rag‘batlantiradi, o‘smalarning tarqalishi va o‘sishiga yordam beradi.
Tadqiqotchilar antioksidantga boy mahsulotlar bilan doimiy oziqlantirilgan sichqonlar ustida tajriba o‘tkazdi. Natijada "r53" oqsili sichqonlar ichak florasida saratonni qo‘zg‘atuvchi rejimini tezlashtirganligi aniqlandi.