Samarqanddagi shifoxonalarning birida hamshiralar mushtlashdi

Ijtimoiy tarmoqlarda "Pastdarg‘om tumaniga qarashli tibbiyot birlashmasi tug‘ruqxona xodimlari o‘rtasida janjal yuzaga keldi" sarlavhasi ostida tarqalgan video yuzasidan viloyat IIB munosabat bildirdi.

Ma’lum bo‘lishicha, ushbu holat 4 iyun kuni sodir bo‘lgan. Tuman tibbiyot birlashmasining tug‘ruqxona bo‘limi xodimlari o‘zaro kelishmovchilik oqibatida bir-birlarini xaqorat qilib, urishgan.

Holat yuzasidan tuman IIB tomonidan tergovga qadar tekshiruv harakatlari olib borilmoqda.

Hodisaning barcha aybdorlariga nisbatan qonunda belgilangan tartibda qat’iy choralar ko‘rilishi ta’minlanadi, deyiladi xabarda.