Sadir Japarov AQShdan respublika ishlariga aralashmaslikni so‘radi

Qirg‘iziston prezidenti Sadir Japarov AQSh va boshqa davlatlarni respublikaning ichki ishlariga aralashmaslikka, undagi jarayonlarni xolisona baholashga chaqirdi.

"Biz teng huquqli hamkorlik tarafdorimiz va barcha davlatlar va xalqaro hamkorlar, shu jumladan AQSh bilan hamkorlik qilishga tayyor ekanligimizni ta’kidlamoqchiman. Mening yagona iltimosim — mamlakatimiz ichki ishlariga aralashmaslik", dedi u. AQSh Davlat kotibining Entoni Blinkenga yo‘llagan javob xati Qirg‘iziston davlat rahbari matbuot kotibi Askat Alagozov tomonidan e’lon qilingan.

Avvalroq, Blinken Qirg‘iziston rahbariga maktub yo‘llab, unda mamlakatda nodavlat notijorat tashkilotlari (NNTlar) to‘g‘risidagi qonunning ko‘rib chiqilishidan xavotir bildirgandi. Ushbu qonun loyihasi hozirda milliy parlamentda muhokama qilinmoqda.