Rossiyalik MMA jangchisi Aleksandr Yemelyanenko islom dinini qabul qildi
![Rossiyalik MMA jangchisi Aleksandr Yemelyanenko islom dinini qabul qildi Rossiyalik MMA jangchisi Aleksandr Yemelyanenko islom dinini qabul qildi](/photos/news/H4bXPRnqyHQeEzU.jpeg)
Rossiyalik MMA jangchisi Aleksandr Yemelyanenko islom dinini qabul qildi. Bu haqda Rasul Magomedaliyev malum qildi.
Mutaxassisning aytishicha, 42 yoshli rossiyalik allaqachon Madinaga tashrif buyurgan.
“Musulmonlarning 100 foizi u yerga boradi. Shuning uchun u buni qabul qildimi yoki yo‘qmi degan savol ham yo‘q”, - dedi Magomedaliyev Sport24 nashriga bergan intervyusida.
Shuningdek, u Aleksandrga spirtli ichimliklarga qaramlikni yengishga kim yordam berganini aytdi: "Bizning ingush birodarlarimiz uni oyoqqa turg‘izdi ... Va umid qilamanki, u boshqa bu holatga qaytmaydi".
Aleksandr Yemelyanenko sobiq ProFC jahon chempioni. Jangovar sambo bo‘yicha ko‘p marta Rossiya va jahon chempioni, jangovar sambo bo‘yicha Yevropa chempioni. Aleksandr Yemelyanenko professional MMAda 40 ta jang o‘tkazgan, shulardan 29 tasida g‘alaba qozongan (20 tasini nokaut bilan), 10 marta yutqazgan va bitta jangda durang qayd etgan.
2023 yilning yozidan beri 42 yoshli Yemelyanenko Ingushetiyadagi reabilitasiya markazida alkogolizmdan davolanmoqda, deb yozadi Rossiya OAV. 2024 yil boshida sportchi Saudiya Arabistonidagi musulmonlar uchun muqaddas Madina shahriga tashrif buyurgani ma’lum bo‘ldi. Ijtimoiy tarmoqlarda u Abubakar ismini tanlagan video paydo bo‘ldi. Aleksandrning o‘zi bu voqeani hali ochiqlamadi.