Rossiyaga qarshi sanksiyalar Yevropaga zarar keltirmoqda — prezident

Xorvatiya prezidenti Zoran Milanovich G‘arbning Rossiyaga qarshi sanksiyalarini qo‘llab-quvvatlamasligini aytdi. «Interfaks»ning yozishicha, Milanovichning fikricha, sanksiyalar Yevropaga zarar yetkazmoqda.

«Masala, sanksiyalar bizga qanchalik zarar keltirishida. Ular Yevropaga zarar keltiradi. Biz Rossiya va Xitoyni bir-biriga yaqinlashtira oldik. Bu kimning manfaatlariga xizmat qiladi? Bu savollarning barchasiga, xususan, Xorvatiyada bu qarorlarni qabul qilganlardan javob kutaman. Men javob talab qilaman», dedi Milanovich Vengriya prezidenti Katalin Novak bilan muzokaralar o‘tkazgan Budapeshtdagi matbuot anjumanida.

Uning ta’kidlashicha, «Evropa Ittifoqi Yevropa Qo‘shma Shtatlariga aylanmasligi kerak».

Bundan tashqari, Milanovich Bryusselning Vengriyaga nisbatan yondashuvini tanqid qildi, u korrupsiya bilan bog‘liq xavotirlar tufayli Budapesht uchun milliardlab yevro mablag‘ni muzlatishga qaror qildi.

«Bu yondashuv juda zerikarli», dedi u va «bugun bu Vengriya, ertaga bu boshqa kattaroq davlat bo‘lib, unga saboq berilishi kerak».