Qozog‘istonda yuzlab neft qazib olish qudug‘lari faoliyati to‘xtatildi

Qozog‘istonning ikki viloyatidagi neft qazib oluvchi korxonalar yirik suv toshqinlari tufayli 634 ta quduqning ishlashini to‘xtatib qo‘ydi, neft qazib olishning umumiy yo‘qotilishi 16 ming tonnani tashkil etgan. Bu haqda Respublika Energetika vazirligi matbuot xizmati xabar bermoqda.

“Mamlakatdagi suv toshqini tufayli Aqto‘be va Atirau viloyatlaridagi bir qator neft qazib oluvchi korxonalarda 634 ta quduqning ishi to‘xtatildi va neft qazib olishning umumiy yo‘qotilishi 16 ming tonnani tashkil qildi”, — deyiladi xabarda.

Boshqarma ma’lumotlariga ko‘ra, hozirda 141 quduqning ishlashi tiklangan, 493 quduqda esa qazib olish to‘xtatilgan.

Ayni paytda mutaxassislar tomonidan suv chiqarish, tuproq bilan to‘ldirish, quduqlarni quvvatsizlantirish va muhrlash ishlari olib borilmoqda.