Qoyil! Tojikistonlik o‘qituvchi 34 yildan beri Samarqand nonini yemasdan asrab kelmoqda (video)

Tojikistonlik o‘qituvchi Umarali Zulfon Samarqand nonini 34 yildan beri asrab kelmoqda. Qizig‘i, non eskirmagan. Bu haqda ASIS-Plus teleradiokompaniyasi lavha e’lon qildi.

Ma’lumot uchun, erkak 1985 yilda Samarqanddan non olib kelgan, bu nonni unga shaharda sovg‘a qilishgan. Mahalliy aholining sovg‘asini o‘qituvchi uyiga olib kelgan va o‘shandan beri asl holicha saqlab kelmoqda. Buning uchun nonga vaqti-vaqti bilan pista yog‘i surtib turibdi. Umaralining fikricha, hech kim bu non 34 yil oldin Samarqanddan olib kelinganiga ishonmaydi.