"Qizlarning oldiga nega kelding?"- Farg‘onada 22 yoshli yigit do‘pposlandi
Farg‘ona viloyati. 2021 yilning 18 aprel kuni soat 19:30 larda 21 yoshli M.Ahliddin va T.Ismoiljonlar Rishton tumani Chek Nasriddin mahallasiga tanishining oldiga kelgan 22 yoshli T.Javlonbekni “mahalladagi qizlarni oldiga nega kelding?” deb, uni hech bir sababsiz yuziga urib, hayoti va sog‘ligi uchun xavfli bo‘lmagan zo‘rlik ishlatib, egnidagi jami narxi 200 000 so‘mlik kurtkasi va bir juft oyoq kiyimi, narxi 1 000 000 so‘mlik “Alcatel” rusumli telefon apparatini ochiqdan-ochiq talon-toroj qilib hodisa joyidan yashiringanlar.
Olib borilgan tergovga qadar tekshiruv harakatlari davomida, M.Ahliddin va T.Ismoiljonlar prosessual tartibda ushlanib, ulardan kurtka, bir juft erkaklar oyoq kiyimi va bir dona, “Alcatel” rusumli telefon apparati ashyoviy dalil tariqasida rasmiylashtirib olingan.
Mazkur holat yuzasidan Rishton tumani IIB huzuridagi Tergov bo‘limi tomonidan M.Ahliddin va T.Ismoiljonlarga nisbatan O‘zbekiston Respublikasi Jinoyat kodeksining 166-moddasi 2-qismi “v” bandi (Talonchilik) bilan jinoyat ishi qo‘zg‘atilgan.
Hozirda tergov harakatlari olib borilmoqda.
Ta’kidlash joizki, bu turdagi jinoyatlar uchun Jinoyat kodeksining normalariga ko‘ra, 3 yildan 5 yilgacha ozodlikni cheklash yoxud 3 yildan 5 yilgacha ozodlikdan mahrum qilish jazosi tayinlanadi.
