Polsha bosh vaziri Germaniyasiz tank koalisiyasi haqida gapirdi

Polsha bosh vaziri Mateush Moraveski Polska Agencja Prasowa nashriga bergan intervyusida Germaniya Kiyevga Leopard tanklarini yuborishga rozi bo‘lmasa, Varshava yangi harbiy koalisiya tuzishga tayyorligini aytdi.

"Biz Ukraina uchun o‘zlarining zamonaviy texnologiyalarining bir qismini qurbon qilishga tayyor bo‘lgan va uning qon ketishini passiv kuzatmaydigan davlatlardan iborat "kichikroq koalisiya" yaratamiz", dedi u.

Bosh vazir Germaniyadan “Leopard” tanklari arsenalida bo‘lgan boshqa davlatlar ularni Kiyevga o‘tkazishi mumkinmi, degan aniq javobni eshitishni istashini ta’kidladi.

Moraveskining so‘zlariga ko‘ra, Berlin o‘zi tuzgan tuzoqqa tushib qolgan, chunki u yillar davomida Moskva bilan "yaqinlashish siyosatini" olib borgan.