Pokistonda xudkush terrorchi harbiy mashinalar karvonini portlatib yubordi

Pokistonning Xayber-Paxtunxva viloyatida harbiy mashinalar karvoniga uyushtirilgan hujum oqibatida 3 nafar bola va 3 nafar askar halok bo‘ldi.

Pokiston armiyasi ma’lumotlariga ko‘ra, xudkush terrorchi bilan hujum Afg‘oniston bilan chegaradosh Shimoliy Vaziriston tumanining ma’muriy markazi Miranshoh shahrida sodir etilgan.

Hozircha hech qaysi guruh hujum uchun javobgarlikni o‘z zimmasiga olmadi.

Miranshohda “Tehrik-e Tolibon Pokiston” (TTP) terror tashkiloti faol harakat qilmoqda.