Nukus shahri va Amudaryo tumanida kredit mablag‘larini talon-toroj qilish holati aniqlandi
Bosh prokuratura huzuridagi Departamentning Nukus shahar bo‘limi tomonidan o‘tkazilgan tergovga qadar tekshiruvda, AT “Ipoteka bank” Qoraqalpog‘iston Respublikasi filiali mas’ul shaxslari va fuqaro M.D. 2019-2020 yillarda M.D.ning 18 nafar qarindoshi nomiga soxta ma’lumotnomalar orqali ajratilgan 390 mln so‘m kredit mablag‘larini “M.T.”, “G.T.” va “A.T.” MCHJlarga o‘tkazib, o‘zlashtirish yo‘li bilan talon-toroj qilganliklari aniqlangan.
Xuddi shunday, ATB “Agrobank” Amudaryo filiali mas’ul shaxslari 2 nafar fuqaro nomiga ularning xabardorligisiz soxta hujjatlarni rasmiylashtirish orqali ajratilgan 37 mln so‘m kredit mablag‘larini o‘zlashtirish yo‘li bilan talon-toroj qilganliklari aniqlangan.
Mazkur holatlar yuzasidan Jinoyat kodeksining 167-moddasi (talon-toroj qilish) va 209-moddasi (mansab soxtakorligi) bilan jinoyat ishlari qo‘zg‘atilib, tergov harakatlari o‘tkazilmoqda.